Dy delegacione nga Komisioni për Punë të Jashtme dhe Diasporë dhe Komisioni për Integrime Evropiane të Parlamentit të Republikës së Kosovës, kanë realizur një vizitë zyrtare në Bruksel.
Nën organizimin e Ambasadës së Kosovës në Bruksel, delegacionet nga Kuvendi i Republikës së Kosovës kanë mbajtur takime me anëtarët e Parlamentit Evropian të shteteve anëtare të Bashkimi Evropian.
Gjatë këtyre takimeve janë biseduar çështje të rëndësishme dhje shumë konkrete, siç janë liberalizimi i vizave për qytetarët e Kosovës, energjia dhe zhvillimi i qëndrueshëm, dialogu me Serbinë dhe sfidat, proceset integruese dhe koordinimi i përbashkët në përballimin e krizave dhe kërcënimeve të sigurisë dhe stabilitetit në nivel parlamentar dhe jo vetëm.
Delegacionet janë udhëhequr nga Kryetari i Komisionit për Punë të Jashtme dhe Diasporë të Kuvendit të Republikës së Kosovës, z.Haki Abazi.