Duke uruar që të ketë konsensus dhe bashkëpunim mes anëtarëve të Komisionit për Administratë Publike, Pushtet Lokal, Media dhe Zhvillim Rajonal, kryetarja, Doarsa Kica – Xhelili, hapi mbledhjen e parë për sesionin pranveror të këtij viti.
Gjatë kësaj mbledhjeje, deputetët diskutuan lidhur me Projektligjin nr.08/L-063 për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura.
Anëtarët e komisionit u dakorduan që projektligji në fjalë t’i kthehet qeverisë, meqë, sipas tyre, versioni aktual përfshinë shumë agjencione të cilat bien mbi domenin e komisioneve të tjera parlamentare.
